दमौली: आदिकवि भानुभक्त बहुमुखी क्याम्पसद्वारा आयोजित आदिकवि क्याम्पस-छाब्दी बाराही मिनि म्याराथनमा साजन थापा प्रथम भएका छन् ।
आदिकवि भानुभक्त क्याम्पसको खेल सप्ताहको अवसरमा आयोजित उक्त प्रतियोगितामा अमृत विक द्वितीय र नरबहादुर गुरुङ तृतीय भएका थिए । उक्त प्रतियोगितामा छाब्दी वाराही विकास कोष एवं सहआयोजक वाराही रजवाम युवा क्लव रहेका थिए ।
उक्त म्याराथन प्रतियोगितामा महिला र पुरुष गरि २ सय जनाको रहेको क्याम्पस प्रमुख महाप्रसाद हड्खलेले बताए । प्रतियोगितामा बिजयीलाई क्रमशः १५ हजार, १० हजार र ५ हजार नगद सहित प्रमाणपत्र प्रदान गरिएको थियो ।
सो प्रतियोगिताको गन्डकी प्रदेशका आर्थिक मामिला मन्त्री जितप्रकाश आलेले उद्घाटन गरेका थिए ।
