आँबुखैरेनी : तनहुँको आँबुखैरेनी गाँउपालिका वडा नं. २ ढापटारमा आईतवार राति सवारी दुर्घटना हुदा एक युवाको मृत्यु भएको छ । पृथ्वीराजमार्ग सडक खण्ड अन्तर्गत आँबुखैरेनीबाट डुम्रे तर्फ आउँदै गरेको ग १ क ५०१२ नं.को मिनि ट्रक र सोही दिशा तर्फ आउँदै गरेको प्र.३–०२–००९ प ८५३० नं.को मोटरसाईकल ठक्कर खादा मोटरसाईकल चालकको मृत्यु भएको जिल्ला प्रहरी कार्यालय तनहुँले जनाएको छ ।
मृत्यु हुनेमा आँबुखैरेनी गाउँपालिका वडा नं.३ बस्ने बर्ष २६ वर्षिय सफल राना मगर रहेको प्रहरी नायव उपरिक्षक मोहन बहादुर खाँडले जानकारी दिए । उनका अनुसार दुर्घटनामा परि घाईते मगरलाई उपचारको लागी पुरानो मेडिकल कलेज भरतपुर चितवन पठाईएकोमा राति १० बजे चिकित्सकले मृत घोषणा गरेको थिए ।
उक्त मिनी ट्रक र चालक ईलाका प्रहरी कार्यालय आबुखैरेनी तनहुँको नियन्त्रणमा रहेको र उक्त घटना सम्बन्धमा थप अनुसन्धान भइरहेको पनि प्रहरी नायव उपरिक्षक खाँडले बताए ।
