दमौली : दमौलीमा बुधबारे हाट बजार लाग्ने भएको छ । स्थानीय कृषकको उत्पादनलाई प्रवद्र्धन गर्ने उद्देश्यले संविधान दिवसको अवसर पारेर बुधबारे हाट बजार सुरु गरेको हो ।
व्यास नगरपालिकाले निर्माण गरेको कृषि उपज बिक्रि वितरण केन्द्र व्यास ३ मा हाट बजार लाग्ने छ । उक्त हाट बजारको उद्घाटन तनहूँ क्षेत्र नं १ का सांसद डा. स्वर्णिम वाग्लेले गरेका छन् ।
व्यास नगरपालिकाद्धारा निर्मित १३ वटा टहरामा निः शुल्क कृषि उत्पादन बेचबिखन गर्न पाईने पनि व्यास नगरपालिका प्रमुख बैकुण्ठ न्यौपानेले बताएका छन् ।
