दमौली : गण्डकी प्रदेशका मुख्यमन्त्री सुरेन्द्रराज पाण्डेले दमौली अस्पतालको अनुगमन गरेका छन् । सो अवसरमा मुख्यमन्त्री पाण्डेले बिरामी कक्ष, ओपिडी कक्ष लगायतको स्थलगत निरीक्षण गरेका थिए ।
निरीक्षणपश्चात् आयोजित छलफल क्रममा मुख्यमन्त्री पाण्डेले अस्पतालको स्तरोन्नतिलाई प्रदेश सरकारले प्राथमिकतामा राखेको उल्लेख गरे । अस्पतालले अस्पतालको स्तरोन्नती, विशेषज्ञ डाक्टरको व्यवस्था गरिदिनुका साथै नयाँ भवन निर्माणको माग गरिएको अस्पतालका प्रमुख डा.परिवर्तन बरालले जानकारी दिए ।
उक्त अवसरमा माओवादी गण्डकी प्रदेशका संसदीय दलका नेता तथा पूर्वमन्त्री हरि बहादुर चुमान, अशोक श्रेष्ठ, पुर्वमन्त्री दोबाटे बि.क, जिल्ला समन्वय समितिका अध्यक्ष शान्तिरमण वाग्ले, व्यास नगर प्रमुख बैकुण्ठ न्यौपाने पुर्व प्रदेश सांसद सरिता गुरुङ लगायतको उपस्थिति रहेको थियो ।
