दमौली : ॐ कार परिवार तनहुँले जिल्ला प्रसाशन कार्यालय तनहुँमा ज्ञापन पत्र बुझाएका छन् । धार्मिक विद्वेष फैलाउने दोषीलाई कडा कारवाहीको माग गर्दै र्याली सहित तनहुँका प्रमुख जिल्ला अधिकारी छबिलाल रिजाललाई ज्ञापन पत्र बुझाएका हुन् ।
प्रमुख जिल्ला अधिकारी मार्फत प्रधानमन्त्री कार्यालय सिंहदरबार काठमाण्डौं पठाइएको हो । ज्ञापनपत्र बुझ्दै प्रजिअ रिजालले प्रधानमन्त्री समक्ष ज्ञापनपत्र जति सक्दो चाँडो आफुले प्रेषित गर्ने प्रतिबद्धता जनाएका थिए ।
