आँबुखैरेनी: तनहुँको आँबुखैरेनी गाउँपालिका ४ स्थित बेनिटारबाट अवैध लागु औषध गाँजा सहित १ जना पक्राउ परेको छ ।
चितवनको इच्छाकामना गाउँपालिका वडा नं. ६ चण्डिभञ्ज्याङ्गका बाट ३० वर्षीय तिलक गुरुङ पक्राउ परेका हुन्।
गुरुङलाई अस्थायी प्रहरी पोष्ट मुग्लिन पुलजीपबाट खटिएको प्रहरी टोलीले आज बिहान चेकजाँच गर्ने क्रममा ग २ ख ९७१ नं. को बसमा झोलाभित्र लुकाई छिपाई ल्याएको अवस्थामा १ किलो गाँजा सहित पक्राउ गरेको हो ।
उक्त लागु औषध सहित पक्राउ परेका निज तिलक गुरुङलाई तनहुँ जिल्ला अदालतबाट १० दिनको म्याद थप गरी अनुसन्धान भईरहेको जिल्ला प्रहरी कार्यालय तनहुँले जनाएको छ।
