दमौली : तनहुँ क्षेत्र नं. २ प्रतिनिधि सभाकाे स्वतन्त्र उम्मेदवारी दिएका विष्णु पराजुलीले अत्यन्तै उत्साहित भएका छन् ।
चुनाव प्रचारप्रसारकाे सिलसिलामा सबै वडामा पुगेका पराजुलीले मतदाता बाट पाएको मायाले अाँफु उत्साहित भएको बताएका छन् । मतदाताहरुले युवा एवम् स्वतन्त्र उम्मेदवार खोजेकाले पनि हौसला मिलेको उनले बताए ।
मतदाताको घर घर पुग्दा सबैले सहयोग गर्ने बताएका छन् उनले भने । पछिल्लो समय भिमाद नगरपालिकाका विभिन्न ठाउँकाे घर दैलोमा पराजुली छन् । ३०औं वर्षसम्म पुराना राजनीतिक दलहरुले जनतालाई गुमराहमा राखेकाले यस पटक उनीहरु परिवर्तनको पक्षमा रहेको पराजुलीले बताए ।
यस पटक क्षेत्र नं. २ का मतदाताहरुले मत परिवर्तन गर्ने र सो मत आफनो पक्षमा आउने भन्दै पराजुलीले जित्ने दाबी गरेका छन् ।