दमौली: चिकित्सा क्षेत्रमा सुधारका लागि भएको सम्झौता कार्यान्वयनको माग राख्दै आमरण अनशन बसिरहेका चिकित्सक डा. गोविन्द केसीको जीवनरक्षाको माग गर्दै दमौलीमा हस्ताक्षर शंकलन गरेर प्रधानमन्त्रीलाई पठाइएको छ ।
स्कूल अफ डेमोक्रेसी संस्थाले दमौली अनशन चोकमा संकलन गरेको हस्ताक्षर प्रमुख जिल्ला अधिकारी सागर आचार्यमार्फत प्रधानमन्त्री केपी शर्मा ओलीलाई पठाइएको हो ।
संस्थाले दिउँसो ३ बजेबाट करिब एक घण्टा हस्ताक्षर संकलन गरेको थियो । संस्थाका अध्यक्ष डम्बर अधिकारीले केसीको जीवन नै संकटमा पर्ने अवस्था आउँदा पनि सरकार उनको माग पुरा गर्न गम्भीर नबनेकाले दबाबस्वरुप हस्ताक्षर अभियान संचालन गरिएको बताए ।
