आँबुखैरेनी : आँबुखैरेनी १ स्थित मित्रता मावि मतदान केन्द्रमा नेपाली काँग्रेस र माओवादी केन्द्रका कार्यकर्ताबीच झडप हुँदा पाँच राउण्ड गोली चलेको छ ।
त्यसक्रममा आठ स्थानीय र १ म्यादी प्रहरी घाइते भएको स्थानीय पत्रकार चित्र गुरुंगले जानकारी दिए ।
कांग्रेस र माओवादी केन्द्र समर्थित कार्यकर्ताबीच झडप हुन थालेपछि प्रहरीले हवाइ फायर गरेको थियो । त्यसक्रममा पाँच राउण्ड गोली चलेको बताइएको छ ।
मतदान सकेर शिलबन्दी पेटिका ल्याउने क्रममा सवा ६ तिर दुई पक्षबीच झडप हुँदा आठ स्थानीय र एक म्यादी प्रहरी घाइते भएका छन् ।
तर पनि सुरक्षित रुपमा मतपेटिका मतगणनास्थल लगिएको प्रहरीले जनाएको छ ।
