दमौलीः व्यास नगरपालिकाका मेयर तर्फका स्वतन्त्र उम्मेदवार दीपकराज जोशीले कैंची चुनाव चिह्न प्राप्त गरेका छन् ।
नेकपा एमाले समेतको साथमा उम्मेदवारी दिएका जोशीलाई निर्वाचन कार्यालयले कैंची चुनाव चिह्न दिएको हो ।
कांग्रेस पूर्व सहमहामन्त्री गोविन्दराज जोशी समूहबाट उम्मेदवार बनेका जोशीले कैंची चिह्न पाएको भन्दै अब नगरपालिकामा देखिएको विकृति र विसंगतिलाई कैंचीले काट्ने दावी गरे । जोशी समूहबाट एमालेसँगको तालमेलमा चुनाव लडेका २० जनाले सोही चिह्नबाट नगरका विभिन्न पदमा चुनाव लड्ने जोशीले बताए ।
कांग्रेसका मेयर उम्मेदवार बैकुण्ठ न्यौपाने रुख तथा माओवादी केन्द्रका उम्मेदवार अतिन्द्रकेशरी न्यौपाने भने हँसिया हथौडामा घेरो भएको चिह्नका साथ मैदानमा उत्रनेछन् ।
