दमौलीः नेपाली कांग्रेस तनहुँले जिल्लाका विभिन्न तहबाट आएका तह प्रमुखको उम्मेदवारको नाम प्रदेश समितिमा सिफारिस गरेको छ ।
हरेक तहगत समिति हुँदै क्षेत्रबाट आएका नामसहित प्रदेशमा उम्मेदवार चयनका लागि नाम सिफारिस गरिएको पार्टी जिल्ला सचिव लक्ष्मीभक्त खनालले दमौली न्यूजलाई जानकारी दिए ।
‘हामीले आएका नाम सिफारिस गरेका छौं,’ उनले भने । यसरी नाम पठाउनेमा व्यासबाट १२ जना मेयर र चार उप प्रमुख, शुनपाबाट ११ प्रमुख र आठ उप प्रमुख छन् । जसमा दुवै तहका बहालवाला प्रमुखसमेत छन् ।
भिमादबाट प्रमुखमा सात तथा उप प्रमुखमा आठ जनाको नाम सिफारिस भएको छ ।
भानुबाट भने प्रमुखमा १६ जना तथा उपप्रमुखमा छ जना सिफारिस भएका छन् ।
अरु गाउँपालिकाको अन्तिम विवरण प्राप्त भैसकेको छैन । तर पनि यस अघि तह र प्रदेश क्षेत्र समितिबाट आएकै नाम प्रदेश समितिमा जाने बताइन्छ ।
