भन्सारः नेकपा एस्ले भानु नगरपालिकाबाट श्रीराम पौडेललाई सर्वसम्मत रुपमा मेयर उम्मेदवारका रुपमा सिफारिस गरेको छ ।
सोमबार सम्पन्न कार्यकर्ता भेलाबाट पौडेलको नाम आसन्न स्थानीय तह निर्वाचनमा सत्तारुढ गठबन्धनका उम्मेदवारको रुपमा पेश गरिने पार्टीले जनाएको छ ।
लामो समयदेखि एमालेमा सक्रिय पौडेल विभिन्न विभागिय जिम्मेवारीमा रहिसकेका छन् । पौडेलले गठबन्धनबाट साझा उम्मेदवारका रुपमा आफू भानु नगर प्रमुखको दावेदारीमा अघि बढ्ने बताए । ‘पार्टीले साझा उम्मेदवार बनाएपछि मेरो उम्मेदवारी रहन्छ,’ उनले दमौली न्यूजसँग भने, ‘चुनाव जित्नेमा विश्वस्त छु । ‘
राजधानीमा शैक्षिक परामर्श व्यवसायमा समेत संलग्न पौडेलले निरन्तर भानु नगरवासीको सेवा गर्दै आएकाले सबैले चिनेको र नगर प्रमुखका रुपमा विकास गर्ने भिजन रहेको दावी गरे ।