दमौली : तनहुँ प्रशासनले तनहुँ कोरोना संक्रमणका दृष्टिले जोखिमयुक्त रहेको भन्दै सजगता अपनाउन अनुरोध गरेको छ ।
हालसम्मको संक्रमणको अवस्था विश्लेषण गर्दा तनहुँ पनि कोरोना संक्रमणका दृष्टिले सम्वेदनशील रहेको उल्लेख गर्दै प्रशासनले बजार तथा सार्वजनिक यात्रामा अनिवार्य मास्क लगाउन र स्वास्थ्य संवेदनशीलता देखाउन आग्रह गरेको छ ।
सहायक प्रमुख जिल्ला अधिकारी चित्रांगद बरालद्वारा जारी विज्ञप्तिमा व्यापार व्यवसाय तथा सार्वजनिक यातायातमा स्वास्थ्य मापदण्ड पालना नभएको गुनासो आएको उल्लेख छ ।
साथै पटक पटक साबुन पानीले हात धुन र स्यानिटाइजर लगाउन भन्दै प्रशासनले नियम पालना नगर्नेलाई कारबाहीको चेतावनी दिएको छ ।