दमौलीः तीन वर्षिया बालिकाले आफ्नो जन्मदिनको अवसर पारी उज्यालो घर बालगृहमा आश्रय लिइरहेका बालबालिकाका लागि सहयोग गरेकी छन् ।
उनले बालगृहका बालबालिकाका लागि चामल, दाल, तेललगायत खाद्यान्नका साथै कापी कलम सहयोग गरेकी हुन् ।
नातिनीका तर्फबाट परिवारले सहयोग हस्तान्तरण गरेको हजुरबुबा एवं तनहुँ उद्योग वाणिज्य संघका पूर्व कोषाध्यक्ष महेन्द्रकुमार श्रेष्ठले जानकारी दिए ।
सानैदेखि सहयोगको भावना विकास गर्न सहयोगका लागि प्रेरित गरेको हजुरआमा सुभ श्रेष्ठले जानकारी दिइन् ।
श्रेष्ठ परिवारले यस अघि पनि उज्यालो घरका बालबालिकाका लागि आवश्यक सामग्री सघाउँदै आइरहेको छ ।
