पोखराः गण्डकी प्रदेशभर आज (बिहिबार) दिउँसो भारी वर्षाको सम्भावना रहेको मौसम पूर्वानुमान महाशाखाले जनाएको छ ।
देशैभर मनसुन सक्रिय भएका बेला वर्षा भैरहे पनि गण्डकी, प्रदेश ५ र कर्णाली प्रदेशमा बिहिबार भारी वर्षा हुने अनुमान महाशाखाले निकालेको मौसम बुलेटिनमा गरिएको छ ।
बिहिबार राती पनि गण्डकी प्रदेशमा अति भारी वर्षाको अनुमान महाशाखाले गरेको छ । महाशाखाले निकालेको तीन दिनको मौसम बुलेटिनमा शुक्रबार राती पनि गण्डकी प्रदेशका थोरै भागमा भारी वर्षाको आंकलन गरिएको छ ।
महाशाखाले यसबीचमा नदीको बहाव बढ्ने, बाढी पहिरो र सडक तथा हवाई यातायात प्रभावित हुने भन्दै सतर्कता अपनाउन चेतावनी पनि दिएको छ ।
