दमौलीः सेती नदीमा हाम फालेका व्यास २ निवासी टोपबहादुर बराली अझै भेटिएका छैनन् । ५८ वर्षिय उनी विहान ७ बजे नदीमा हाम फालेको प्रत्यक्षदर्शीको भनाई छ ।
व्यास १ छाला फ्याक्ट्री नजिकैको नदीमा हाम फालेका उनी त्यसयता बेपत्ता छन् । नदी किनार नजिकैको प्रतिक्षालयमा उनले प्रयोग गरेको टोपी, छाता, रुमाल र चस्मा फेला भेटिएको छ ।
तर उनी भने बेपत्ता छन् । प्रहरी नायब उपरीक्षक युवराज तिमल्सेनाले खोजी जारी रहे पनि हालसम्म उनको अवस्था पत्ता नलागेको बताए ।
उनका अनुसार नदी किनारका क्षेत्रमा परिवारका सदस्यसहित खोजी भैरहे पनि हालसम्म उनी भेटिएका छैनन् ।
