दमौलीः सामाजिक दुरीसहित पठनपाठन सञ्चालनको तयारी भैरहेका बेला व्यास नगर क्षेत्रका सामुदायिक तथा निजी कलेजहरुमा भर्ना गर्न आउने बढेका छन् ।
व्यास १ विज्ञानचौरको आदिकवि भानुभक्त क्याम्पसले तीन दिनका अवधिमा ५० भन्दा बढी विद्यार्थी भर्नाका लागि आएको जनाएको छ ।
क्याम्पस सञ्चालक समितिका उपाध्यक्ष बुद्धिमान श्रेष्ठले भर्नाका लागि आउने विद्यार्थीको संख्या बढिरहेको बताए । क्याम्पस प्रमुख महाप्रसाद हड्खलेले विद्यार्थीहरुको राम्रो प्रतिक्रिया आइरहेको बताए ।
कलेज प्रमुख अमृत भण्डारीले प्लस टु भर्नाको क्रम चलिरहेको र विद्यार्थी तथा अभिभावक आइरहेको बताए ।
दमौलीका निजी कलेजहरु बाराही, दमौली, पराशर आदिमा पनि भर्ना गर्न आउने बढेका छन् । बाराही कलेजले विद्यालय रहेकै भवनबाट नयाँ प्रविधिबाट शिक्षा दिने तयारी गरेको र आकर्षण बढेको दाबी गरेको छ ।