काठमाडाैं, ६ भदाै । सुख्खा पहिरो खसेपछि अवरुद्ध भएको नारायणगढ –मुग्लिन सडकखण्डमा एकतर्फी गाडी सञ्चालनमा आएका छन् ।
जिल्ला प्रहरी कार्यालय चितवनका अनुसार आज विहान करिब १ बजेतिर इच्छाकामना गाउँपालिका वडा नम्बर ५ को ३ नम्वर पुल नजिक सुख्खा पहिरो खसेसँगै सडक पूर्णरुपमा अवरुद्ध भएको थियो ।
पहिरो आंशिक रुपमा पन्छाएपछि बाटो एकतर्फी रुपमा खुला भएको सडक डिभिजन कार्यालय भरतपुरका सूचना अधिकारी शिव खनालले जानकारी दिए ।
पहिरो पन्छाउने काम भइरहेको र अहिले एकतर्फी बाटो खुलेसँगै रोकिएका सवारी साधान गन्तव्य तर्फ लागेका छन् ।
