दमौलीः राष्ट्रिय मानसिक स्वास्थ्य स्वाबलम्बन संगठन कोशिशको आयोजनामा ५ गते मंगलबारदेखि सञ्चालन भएको ६ दिने तालिम १० गते आइतवार सम्पन्न भएको छ ।
टास्क भिलेजमा स्थानीय तहका स्वास्थ्यकर्मीहरू लाई दिइएको तालिममा २८ जनाको सहभागीता रहेको थियो ।
तालिममा मनोचिकित्सक डा. दिपक कुँवर र डा. वर्षा श्रेष्ठले मानसिक रोग सम्बन्धि प्रशिक्षण दिएको कार्यक्रम संयोजक रविलोचन पौडेलले जानकारी दिए ।
तालिम समापन कार्यक्रममा तालिमका सहभागी दमौली अस्पतालका मेडिकल सुपरिटेन्डेन्ट डाक्टर सुनिल पौडेल , पुरनडिहि अस्पतालका डाक्टर सुरज श्रेष्ठ , फुलबारी स्वास्थ्यकेन्द्रका डाक्टर प्रतीक्षा आले लगायतले तालिम निकै प्रभावकारी र फलदायी भएको बताए ।
यस किसिमको तालिमले स्वास्थ्यकर्मी हरूलाइ आत्मविस्वास बढाउने काम गरेको उनिहरूको भनाइ थियो । तालिममा कोशिशका मनोविद सरोज सिंखडा , मनोविद नरेश गजुरेलले सहजिकरण गरेका थिए ।
तालिममा सहभागीहरू लाई प्रशिक्षक दिपक कुँवर , प्रशिक्षक बर्षा श्रेष्ठ तथा कार्यक्रम संयोजक रविलोचन पौडेलले प्रमाणपत्र प्रदान गरेका थिए ।
