दमौलीः व्यास नगरपालिकाले सञ्चालनमा ल्याउन लागेको पीसीआर परीक्षण प्रयोगशालालाई गण्डकी प्रदेशले सञ्चालन अनुमति दिएको छ ।
प्रदेश जनस्वास्थ्य प्रयोगशालाले व्यास नगरपालिकाका नाममा पठाएको पत्रमा बुधबार स्थलगत अनुगमन गरिएको र त्यसबाट प्राप्त २० नमूनाको नतिजाका आधारमा प्रयोगशालालई परीक्षणको अनुमति प्रदान गरिएको उल्लेख छ ।
निमित्त निर्देशक सपना सुवेदीद्वारा हस्ताक्षरित पत्रमा तोकिएको मापदण्ड पालना गर्न पनि भनिएको छ ।
व्यासको सक्रियतामा पीसीआर परीक्षणका लागि बनेको प्रयोगशालामा तनहुँका अन्य स्थानीय तहले समेत आर्थिक सहयोग गरेका छन् ।
