दमौलीः व्यास ११ मा नेपाली कांग्रेसको सर्वसम्मत नेतृत्व चयन भएको छ । पार्टीले वडा सभापतिमा देवबहादुर थापालाई सर्वसम्मत निर्वाचित गरेको छ ।

यसैगरी, वडाबाट निर्वाचित हुने क्षेत्रीय प्रतिनिधिमा ५५ जना निर्वाचित भएका नेता विवेक भट्टराईले जानकारी दिए ।। वडा अधिवेशनबाट नेतृत्व चयन हुन बाँकी व्यास २ मा भने अझै अन्यौल देखिएको छ ।

सभापति पदका लागि क्याप्टेन सुर्जकुमार मल्ल र टुकबहादुर हमाल कसैले दाबी नत्यागेपछि नेतृत्वले विवाद मिलाउने प्रयास गरिरहेको छ । खुलातर्फको क्षेत्रीय प्रतिनिधिमा करिब सहमति जुटेको छ ।

खस आर्यमा पनि सहमति जुटाउने नेताहरुको तयारी छ । वडा सभापतिमा सहमति नभएमा मतदान गर्ने तयारी गरिएको छ ।

अहिले तनहुँ उद्योग वणिज्य संघको हलमा नेतृत्वमा सहमतिका लागि अन्तिम कसरत जारी छ ।

अन्तिम पटक अध्यावधिक गरिएको 87 Viewed

प्रतिक्रिया दिनुहोस्