दमौलीः नेपाली कांग्रेसको वडा अधिवेशनअन्र्तगत दुई बाहेकका सबै तहमा वडा कार्य समिति निर्वाचित भएका छन् ।
शुक्लागण्डकीको ८ र भिमाद ९ मा अधिवेशन स्थगित भएको छ । यसबाहेक अरु सबै तहमा नेतृत्व चयन भएको कांग्रेस तनहुँले जनाएको छ । धेरै ठाउँमा सर्वसम्मत भए पनि केही तहका वडाहरुमा सभापति र क्षेत्रीय प्रतिनिधिका लागि मतदान भएको छ ।
व्यास २ को सभापतिमा टुकबहादुर हमाल र व्यास ११ मा देवबहादुर थापा सर्वसम्मत भएसँगै व्यासको सबै वडामा कार्य समिति चयन प्रक्रिया सकिएको छ ।
शुक्लागण्डकी ८ मा पनि सहमतिको प्रयास भैरहेको छ भने भिमाद ९ मा पनि नेतृत्व चयन बाँकी छ ।
अधिकांश वडाहरुमा सहमतिय प्रक्रियाबाट नेतृत्व चयन भएको पार्टी जिल्ला सचिव विश्व बाँस्तोलाले बताए ।
