दमौलीः तनहुँमा कोरोना संक्रमणका कारण थप दुई जनाको ज्यान गएको छ । ज्यान जानेमा व्यास ७ निवासी ७० वर्षका वृद्ध छन् । उनको उपचारका क्रममा मणिपाल शिक्षण अस्पतालमा बुधबार ज्यान गएको हो ।
यसैगरी, शुक्ला ७ का ५२ वर्षियको पनि उपचारका क्रममा पोखरा स्वास्थ्य विज्ञान प्रतिष्ठानमा ज्यान गएको छ ।
प्रदेशभर १० जनाले यसरी ज्यान गुमाएका छन् ।
निर्देशनालयका अनुसार पछिल्लो २४ घण्टामा २६ नयाँ कोरोना संक्रमित थपिएका छन् ।