दमौलीः अस्थायी ल्याण्डफिल साइट भरिए पछि रोकिएको व्यास नगरपालिकाको फोहोर संकलन बुधबारबाट हुने भएको छ ।
व्यास नगरपालिकाले हाल कुहिने फोहोर संकलन गर्दै आए पनि ल्याण्डफिल साइटमा लैजाने नकुहिने फोहोर भने संकलन गर्न सकेको छैन । दिनहुँ फोहोर संकलन नहुँदा सफासडक मै फोहोर थुप्रिकाले सहर विकृत देखिएको स्थानीयको गुनासो थियो ।
व्यास १३ बेल्बासमा ल्याण्डफिल गर्ने काममा कुहिने फोहोर उपयोग गर्ने गरी सामुदायिक वनसँग सहमति भएको नगरपालिका श्रोतले बताएको छ । ‘भोलीबाट फोहोर संकलन हुन्छ,’ नगरपालिकाका प्रमुख प्रशासकिय अधिकृत डिल्लीराम सिग्देलले दमौली न्यूजसँग भने,‘पूर्वाधारको तयारी गरिएको छ ।’
व्यास नगरपालिकाले व्यास १ स्थित आदिकवि भानुभक्त क्याम्पस तलको जग्गामा फोहोर छुट्याउने र कुहिनेलाई मल बनाउन गाई संरक्षण केन्द्र तथा नकुहिनेलाई बेल्बासमा लगेर व्यवस्थापन गर्ने योजना बनाएको छ ।
नगर प्रमुख वैकुण्ठ न्यौपानेसहित स्थानीय कोईदिम सामुदायिक वनका उपभोक्तासँगको छलफलमा उपभोक्ता समितिमार्फत नै सरसफाई समितिमार्फत काम अघि बढाउने सहमति भएसँगै तत्काल देखिएको फोहोर व्यवस्थापनको समस्या हट्ने भएको छ ।
नगरपालिकाले यसपछि भने व्यास १ वागभन्ज्याङमा दीर्घकालिन ल्याण्डफिल साइटको व्यवस्थापन गर्ने तयारी गरिरहेको छ ।
