दमौलीः तनहुँमा कोरोना संक्रमणको ग्राफ उकालो लागेको छ । पछिल्लो २४ घण्टामा परीक्षण गरिएका दुई सय एक मध्ये आधामा संक्रमण पुष्टि भएको छ ।
निर्देशनालयले जारी गरेको बुलेटिनमा एक सय दुई जनामा यस्तो संक्रमण पुष्टि भएको छ ।
यो केही दिनयताकै उच्च दर हो । यसले कोरोना संक्रमण फैलिएको संकेत गर्ने स्वास्थ्य अधिकारी बताउँछन् ।
यस अवधिमा मृत्यु कसैको नभए पनि तनहुँमा ४९ महिला र ५३ पुरुषमा एकैसाथ संक्रमण पुष्टि भएको छ । पछिल्ला दिनमा ज्वरो आउने बिरामीको संख्या पनि बढेकाले परीक्षणका क्रममा यो नतिजा आएको भन्दै अधिकारीहरु अझ धेरैमा संक्रमण हुन सक्ने आशंका गर्छन् ।