दमौलीः दुई दिन अघि व्यास ५ चापाघाटमा भएको सवारी दुर्घटनामा घाइते जिपी कोईराला श्वासप्रश्वास उपचार केन्द्र दुलेगौंडाकी कर्मचारी अप्सरा भण्डारी पौडेलको स्वास्थ्यमा सुधार आएको परिवारले बताएका छन् ।
पोखराबाट दमौलीतर्फ आइरहेको ग १ ख ४२१५ नम्बरको यात्रुवाहक बस सडकबाट तल खस्दा च्यापिएकी पौडेलको अवस्था गम्भीर थियो ।
पोखराको मेट्रो सिटी अस्पतालमा उपचार हुन नसकेपछि परिवारले एयर डाइनेष्टीको हेलिकोप्टरमार्फत काठमाडौं लगेकामा अहिले ग्रयाण्डी अस्पतालमा उनको उपचार भैरहेको छ ।
शरिरको तलको भागमा गम्भीर चोट लागेको भन्दै चिकित्सकले उनको शल्यक्रिया गरेका छन् । त्यसपश्चात अवस्थामा केही सुधार आएको भनाई परिवारको छ ।
