दमौलीः तनहुँमा पछिल्लो २४ घण्टामा ५६ जनामा कोरोना संक्रमण पुष्टि भएको छ । स्वास्थ्य निर्देशनालय गण्डकीका अनुसार संक्रमितमा २९ महिला र २७ पुरुष छन् ।
परीक्षण गरिएका मध्ये एक तिहाईमा संक्रमण देखिएको यो आँकडाले देखाएको छ । तनहुँमा संक्रमणका कारण कसैको ज्यान भने पछिल्लो २४ घण्टामा गएको छैन ।
पछिल्ला दिनमा ज्वरो आउने र भाईरलका बिरामी समेत बढिरहँदा कोभिड परीक्षणको दर बढेको छ । यसले संक्रमितको संख्या पनि बढिरहेको देखाएको छ ।