दमौलीः स्वास्थ्य कार्यालय तनहुँले तत्काल वैदेशिक रोजगारीमा जान चाहनेका लागि खोप दिने तयारी गरेको छ ।
यस अघि नै विदेश जानका लागि नाम टिपाएकाहरुका लागि जोन्सन एण्ड जोन्सन खोप दिइने स्वास्थ्य कार्यालय तनहुँका प्रमुख शंकरबाबु अधिकारीले बताए ।
खोप लगाउनका लागि नाम भने यस अघि नै आफ्नो स्थानीय तहमा टिपाइसकेको हुनुपर्नेछ । स्वास्थ्य अधिकारीहरुका अनुसार यसरी विदेश जानेहरुले विदेश जाने भिसा र अरु कागजात लिएर मात्र यस्तो सुविधा पाउनेछन् ।
कार्यालयले दमौली अस्पतालमा मात्र हाल यस्तो खोप दिइने बताएको छ ।