दमौलीः पछिल्लो २४ घण्टामा तनहुँमा १७ जनामा कोरोना संक्रमण पुष्टि भएको छ । स्वास्थ्य निर्देशनालय गण्डकीका अनुसार यसरी संक्रमितमा आठ महिला तथा नौ पुरुष छन् ।
५१ जनाको परीक्षणका क्रममा १७ मा संक्रमण पुष्टि भएको निर्देशनालयको तथ्यांकमा छ ।
यसरी परीक्षण गरिएका मध्ये १३ जनाको स्वास्थ्य कार्यालय तनहुँमा एन्टिजेन परीक्षण गरिएको बताइएको छ ।
यस अवधिमा तनहुँमा मृत्यु शून्य भए पनि गण्डकी प्रदेशभर भने आठ जनाले संक्रमणका कारण ज्यान गुमाएका छन् ।
ज्यान गुमाउनेमा पोखराका सात र गोरखाका एक छन् ।