काठमाडौं: नयाँ बानेश्वरस्थित प्रतिनिधिसभाको बैठक सुरु भएको छ। प्रतिनिधिसभाका सभामुख अग्निप्रसाद सापकोटाले आठौं अधिवेशनको पहिलो बैठक सुरु गरेका हुन् ।
सर्वोच्च अदालतको आदेशअनुसार प्रधानमन्त्री शेरबहादुर देउवा नेतृत्वको सरकारको सिफारिसपछि राष्ट्रपति विद्यादेवी भण्डारीले आज (आइतबार) अपराह्न ४ बजेका लागि संसदका दुवै सदनको नवौं अधिवेशन आह्वान गरेकी हुन् ।
पहिलो बैठक सकिएको १५ मिनेटपछि दोस्रो बैठक प्रारम्भ हुनेछ। दोस्रो बैठकमा प्रधानमन्त्री देउवाले विश्वासको मत लिने कार्यक्रम छ । प्रधानमन्त्री देउवालाई आफ्नो पार्टी कांग्रेससहित जसपाको यादव पक्ष, एमालेको माधव नेपाल–झलनाथ खनाल पक्ष तथा राष्ट्रिय जनमोर्चाले विश्वासको मत दिनेछन् ।
यस अघि प्रधानमन्त्रीका पक्षमा विश्वासको मत दिने ठानिएका एमालेकाभ माधव नेपाल पक्षीय सांसद भीम रावलले भने अनैतिक खेलमा नलाग्ने भन्दै सांसद पदबाट राजिनामाको घोषणा गरेका छन् ।
