मुग्लिङः कालिखोलाको पहिरो हटाइए पछि चितवनस्थित मुग्लिङ –नारायणगढ सडकखण्डमा दुईतर्फी यातायात सञ्चालनमा आएको छ ।
सोमबार दिनभर यातयात रोक्दै पहिरो हटाइए पछि साँझबाट दुवैतर्फी यातायातका साधन सञ्चालनमा आएको पत्रकार विनोद श्रेष्ठले जानकारी दिएका छन् । त्यसक्रममा झण्डै १५ घण्टा राजमार्ग अवरुद्ध बनेको थियो ।
तीन सातायाता नियमित जस्तै पहिरो खसेर राजमार्ग अवरुद्ध हुँदा यात्रु कैयौं घण्टा राजमार्गमै अलपत्र पर्दै आएका थिए ।
अब भने मुख्य अवरोध हटेकाले यातायात सञ्चालनमा सहजता आएको मुग्लिङ–नारायणगढ सडक आयोजनाले जनाएको छ ।