दमौली: म्याग्दे १ बरचौरमा अवरुद्ध पृथ्वी राजमार्ग दुईतर्फी यातायात सञ्चालनमा आएको छ ।
केही दिनयता निरन्तर पहिरो हटाउँदै आइए पनि आईतबार भने राजमार्गमा खसेको ढिस्को हटाइएको हो । आईतबार सवारी आगमन रोक्दै ढिस्को हटाइएको थियो ।
साँझबाट ढिस्को पुरै हटेपछि दुईतर्फी यातायात सञ्चालनमा आएको प्रहरी नायब उपरीक्षक युवराज तिमल्सेनाले बताए ।
यस अघि पहिरोका कारण यातायात सञ्चालनमा कठिनाइ देखिएको थियो ।
तर त्यस ठाउँमा अझै पनि पहिरो खस्ने सम्भावना रहेको प्राविधिकहरुले बताएका छन् ।
