ऋषिङ: तनहुँको ऋषिङमा गएको पहिरोमा परी दुई जनाको मृत्यु पुष्टि भएको छ ।
पहिरोले पुरिएर बेपत्ता दुवै जनाको शव भेटिएको नेपाल रेडक्रस सोसाइटी कोटदरबार सभापति ईन्द्र आलेले जानकारी दिए ।
ऋषिङ ८ मझकोटमा खुमबहादुर आलेको शव ढुंगाले च्यापिएको अवस्थामा भेटिएको उनले जानकारी दिए ।
स्थानीय र रानीपोखरी चौकीका प्रहरीले केहीबेर अघि शव झिकेको सोसाइटीका उप सभापति टंकबहादुर थापाले जानकारी दिए ।
यस अघि पहिरोमा पुरिएकी ऋषिङ ७ दधिवनकी ६० वर्षीया देवीसरा मगरको शव अड्किएको अवस्थामा घर नजिकै स्थानीयले फेला पारेका थिए ।