आँबुखैरेनीः निरन्तरको वर्षापछि आँबुखैरेनी गाउँपालिका–२ एक्लेफाँट र गोरखा नगरपालिका–१४ गोप्लिङ जोड्ने मर्स्याङ्दी नदीमाथिको झोलुंगे पुल भत्किएको छ ।
बिहीबार राति पुलको तनहूँतर्फको जीप भासिएर मर्स्याङ्दी नदीमा पुगेको गोरखा नगरपालिका–१४ का वडाअध्यक्ष रामबहादुर खड्काले जानकारी दिए ।
पुल बगाएपछि दुईसय १४ घरधुरीका बासिन्दा राजमार्ग जानबाट बञ्चित भएका छन । राजमार्गबाट प्रसिद्ध अकला मन्दिर जाने बाटो पनि अबरुद्ध भएको खड्काले बताए।
झोलुङ्गेपुल मर्स्याङ्दी जलविद्युत आयोजनाको बाँधबाट केहीमाथि थियो । अब गाउँलेलाई बिहान सबेरै राजमार्ग जान र साँझ अबेर फर्कन नपाइने स्थानीयको भनाई छ ।