आँबुखैरेनीः कृषिमा प्राथमिकताप्राप्त योजनासहित तनहुँको आँबुखैरेनी गाउँपालिकाले नीति तथा कार्यक्रम र ६१ करोड ७० लाख बजेट ल्याएको छ । गाउँ सभामा नीति तथा कार्यक्रम प्रस्तुत गर्दै गाउँपालिका अध्यक्ष गिरबहादुर थापाले कृषि उत्पादन प्रवद्र्धनका लागि विभिन्न पकेट कार्यक्रमसहित कार्यक्रम घोषणा गरे ।
बाँझो जमिनमा खेती, किसानलाई बिमा तथा संकलन केन्द्रमार्फत किसानको उत्पादन सोझै बजार ल्याउने गरी गाउँपालिकाले कार्यक्रम घोषणा गरेको छ ।
गाउँपालिकाको चर्चित पर्यटकीय केन्द्र छिम्केश्वरीसम्म सडक पहुँच सहित मन्दिरको निर्माण कार्यलाई पूर्णता दिने घोषणा अध्यक्ष थापाले गरे ।
गाउँपालिकाले ८० कटेका ज्येष्ठ नागरिक तथा सुत्केरीलाई एम्बुलेन्स सुविधा दिने घोषणा पनि गरेको छ ।
गाउँपालिकास्तरीय रंगशालासहितका कार्यक्रम आँबुखैरेनीले घोषणा गरेको छ ।
