पोखराः मनाङका बाढीप्रभावितको उद्धार तथा आवश्यक व्यवस्था गर्न भन्दै चामे पुगेका मुख्यमन्त्री कृष्णचन्द्र नेपाली पोखरेल पोखरा फर्किएका छन् ।
बाढी बिस्थापित लिएर उनी पोखरा फर्किएको उनको सचिवालयले जनाएको छ ।
गण्डकी प्रदेश सभाको शुक्रबारको बैठकमा पूर्वनिर्धारित योजना अनुसार मुख्यमन्त्री नेपालीले विश्वासको मत लिनेछन् । त्यसपश्चात मात्र प्रदेश मन्त्रिपरिषद विस्तार र कार्यविभाजन गर्ने नेपालीको तयारी छ ।
यस अघि बिहीबार उडे पनि मौसम खराब भएकाले उनीसवार सैनिक हेलिकोप्टर चामे फिर्ता भएको थियो ।
