दमौली:तनहुँमा पछिल्लो २४ घण्टामा ५६ जनामा कोभिड संक्रमण भेटिएको पुष्टि भएको छ । स्वास्थ्य निर्देशनालय गण्डकीका अनुसार यसरी संक्रमितमा २३ महिला तथा ३३ पुरुष छन् ।
निकै ढिला गरी रिपोर्ट आउने गरे पनि पछिल्ला दिनमा संक्रमण दर ठूलो मात्रामा गिरावट नभएको केही दिनयता लगातार सार्वजनिक विवरणले देखाएका छन् ।
पीसीआर परीक्षण रिपोर्ट ढिला आउँदा संक्रमण फैलने क्रम अझ बढेको व्यास नगर प्रमुख वैकुण्ठ न्यौपानेले बताए।
