दमौली: शनिबार र आइतबार गरी दमौलीमा कोभिड संक्रमणका कारण ज्यान गुमाएका दुई जनालाई नेपाली सैनिकले अन्तेष्टि गरेको छ ।
यसरी ज्यान गुमाउनेमा व्यास ४ बागबजार निवासी ८० वर्षीया वृद्धा र व्यास १३ निवासी वृद्ध छन्।
दमौली अस्पतालमा उपचार पछि फर्केकी वृद्धाको साँझ ज्यान गएको व्यास ४ का वडाध्यक्ष विश्व न्यौपानेले जानकारी दिए ।
यसैगरी, नेशनल एपोलो अस्पतालमा उपचारका लागि गएका व्यास १३ का ९० वर्षका वृद्धको पनि निधन भएको उनले जानकारी दिए ।
दुईटा चिता बनाएर दुवैको आईतबार नेपाली सेनाले बुल्दी पारी दमौली शव दाहस्थलमा अन्त्येष्टि गरेको नगरपालिकाले जनाएको छ ।
