पोखराः कोरोना परीक्षणबीना प्रदेश सभा बैठक अघि बढाउन लागेको भन्दै एमाले सांसदले अवरोध गरे पछि गण्डकी प्रदेशका सबै सांसदको कोरोना परीक्षणका लागि पीसीआर संकलन गरिएको छ ।
एमाले सांसद राजीव पहारीले बैठकमा सांसद दीर्घरोगी भएको हुनसक्ने भन्दै यस विषयमा कुरा उठाए पछि सांसदहरु उठेर बैठक अवरुद्ध पारेका थिए । त्यसपछि २० मिनेटका लागि सभामुख नेत्रनाथ अधिकारीले स्थगित गरेको बैठक सूचना टाँस गरेर पीसीआर परीक्षणपछि बुधबार दिउँसो २ बजेका लागि डाकिएको हो ।
कोरोना रिपोर्ट पोजिटिभ आएका सांसदले बैठकमा बोल्न नपाउने गरी बैठक डाक्ने सहमति भएको प्रदेश सभा सचिवालयले जनाएको छ ।
लामै समयको छलफलपछि गण्डकी प्रदेश सभाको विशेष अधिवेशन सांसदहरुको पिसिआर परिक्षण गरेपछि बस्ने सहमति भएको छ । तर अविस्वासको प्रस्तावका पक्ष वा विपक्षमा भने संक्रमित भए पनि सांसदले मतदान गर्न पाउनेछन् ।
