दमौलीः बसको ठक्करबाट बेलभञ्ज्याङमा घाइते भएका एक मोटरसाईकल चालकको उपचारका क्रममा ज्यान गएको छ ।
दमौलीबाट डुम्रेतर्फ जाँदै ग १ ख ९५२४ नम्बरको बस र विपरित दिशाबाट दमौली आउँदै गरेको बाग्मती एएए ०३०६ नम्बरको मोटरसाईकल ठोकिंदा मोटरसाईकल घाइते चालक सिन्धुपाल्चोक फुल्पिङ डाँडा ७ निवासी ३८ वर्षका सन्तोष कार्कीको ज्यान गएको छ ।
उपचारका लागि दमौलीको रत्नहरि अस्पताल ल्याइएकामा साँझ सवा ६ बजे निधन भएको प्रहरीले जनाएको छ ।
व्यस्त सडकको घुम्तिनजिकै भएको दुर्घटनाका कारण केहीबेर सडकमा यातायात आगमन अवरुद्ध भएको थियो । प्रहरीले बस चालकलाई नियन्त्रणमा लिएको जनाएको छ ।
