काठमाडौंः नेपालमा कोरोना संक्रमितको संख्या ४५ हजार दुई सय ७७ पुगेको छ । स्वास्थ्य तथा जनसंख्या मन्त्रालयले सार्वजनिक गरेको पछिल्लो नतिजाले देशमा संक्रमितको संख्यामा धेरै वृद्धि भएको देखाएको हो ।
मन्त्रालयका अनुसार पछिल्लो २४ घण्टामा मात्र देशमा एक हजार ४१ जनामा नयाँ संक्रमण देखिएको छ । देशमा संक्रमितको संख्या बढेसँगै परीक्षणको दर पनि वृद्धि भएको मन्त्रालयका अधिकारीहरुको भनाइ छ ।