दमौली: विवेकशील साझा पार्टी नेपालले तनहुँमा संगठन विस्तार गरेको छ । शनिबार सम्पन्न एक कार्यकर्ता भेलाका बीच पार्टीले सागर घिमिरेको संयोजकत्वमा जिल्ला तदर्थ समिति गठन गरेको हो । पार्टीका गण्डकी प्रदेश संयोजक महेश भण्डारीको उपस्थितीमा सम्पन्न भेलाबाट गठित समिति १४ सदस्यीय छ ।
गठित समितिका सह-संयोजकमा नगेन्द्र शर्मा ढुंगाना चयन भएका छन् । यसैगरी, सदस्यहरुमा अनिद मिश्र, उत्सव अधिकारी, भानु चापागाई, कपिल ढकाल, कृष्ण थापा, अाकाश खनाल, कमल थापा तथा पुर्णकला पौडेल चयन भएका छन् ।
यसैगरी, शुशिला केसी, दीपेन्द्र थापा, विमल केसी र भुमिका बराल आचार्य छन् । विवेकशील र साझा पार्टी एकीकृत भएपछि तनहुँमा पहिलोपटक संगठन विस्तार गरिएको हो ।
