दमौली: व्यास २ बुल्दी पुलमा मोटरसाईकल दुर्घटनामा पर्दा एक युवकको ज्यान गएको छ ।
दमौलीबाट घाँसिकुवातर्फ जाँदै गरेको ग १९ प २७३ नम्बरको मोटरसाइकल सडकमा पल्टदा चालक व्यास २ मालेबगर बस्ने बर्ष २२ का विवेक थापा मगरको ज्यान गएको हो ।
टाउकोमा चोट लागेका उनलाई उपचारका लागि दमौली अस्पताल लागिएकामा चिकित्सकले मृत घोषणा गरेका थिए ।
दुर्घटनामा परी पछाडी २० वर्षीया रजनी गुरुङको रत्नहरी अस्पताल दमौलीमा उपचार भईरहेको प्रहरीले जनाएको छ । मोटरसाईकल बढी गतिमा रहेको र सडक चिप्लो भएकाले चिप्लेर दुर्घटना भएको आशंका गरिएको छ ।