दमौलीः दमौलीका युवाले व्यास ४ चुरेखोल्सीमा सञ्चालनमा ल्याएको व्यास गण्डकी चप्पल उद्योगले उत्पादन थालेको छ । केही अघि स्थापित भए पनि श्रीपञ्चमीबाट उत्पादन बजारमा ल्याएको कम्पनीका म्यानेजिङ डाइरेक्टर मनोज राउतले जानकारी दिए ।
झण्डै साढे २ करोडको लगानीमा स्थापित उद्योगले तनहुँ बाहिर पनि बजार विस्तार गर्ने उद्देश्य बोकेको उनले बताए ।
स्थानीय बजार मात्र नभई बाहिर पनि चप्पलको माग बढीरहेको दयाराज कट्टेलले बताए ।
हाल उत्पादित चप्पल तनहुँको दमौली, भिमाद, आबुँखैरेनी, खैरेनीटार, चन्द्रावती लगायत बजारमा पठाइएको राउतले बताए ।
बीजी ग्रुपले चप्पल उद्योगका अलावा आफ्नो २ रोपनी जग्गामा लोकल, ब्रोइलर, कडकनाथ प्रजातिका कुखुरापालन र व्यवसायिक तरकारी खेती समेतको योजना बनाइरहेको अध्यक्ष पदमबहादुर थापा मगरले बताए ।
केही महिनाभित्र कम्पनीले जुत्ता, साबुन, सिएफएल चिम लगायतका उत्पादन थप्ने योजना बनाएको उनले बताए ।
