दमौलीः लोक गायिका कला लम्साल र गायक पशुपती शर्माको स्वर रहेको भजन ‘झिलिमिली मन्दिरैमा’ सार्वजनिक गरिएको छ । गायिका मञ्जु पौडेल समेतको आवाज रहेको भजन लम्सालको युट्युब च्यानलमार्फत सार्वजनिक गरिएको छ ।
प्रकाश पराजुलीको शब्द तथा बसन्त घिमिरेको लय रहेको गीतलाई दर्शकले रुचाउने आशा लम्सालले गरेकी छन् । चर्चित लोक तथा दोहोरीमा जमेकी लम्सालले धार्मिक रुचि राख्ने दर्शकलाई लक्षित गरी लोक भजन बजारमा ल्याएको बताइन् ।
