दमौली:दमौलीमा निर्मित दुई आधुनिक सिनेमा हल सहितको सात तले एपेक्स मल्टीप्लेक्स वैशाख पहिलो साताबाट सञ्चालनमा आउने भएको छ ।
यसका लागि फागुन १ गतेबाट सटर किन्न तथा भाडामा लिन चाहनेका लागि खुला गरिएको व्यवस्थापक गणेश श्रेष्ठले जानकारी दिए । ३० करोडभन्दा बढी लागतमा दमौली कालिका मार्गमा निर्मित दमौलीकै ठुलो व्यवसायिक भवनमा qfx का दुई सिनेमा हल चल्नेछन्।
दमौलीमा सिनेमा हल नै नचलेको अवस्थामा नयाँ वर्षबाट बजार र आसपासका बासिन्दाले राजधानीकै स्तरको सिनेमा हालको सुविधा पाउनेछन् ।लिफ्टको व्यवस्था भएको भवनमा आधुनिक फेन्सी, विभिन्न व्यवसायिक सटर र कार्यालय पनि रहनेछन् ।
पोहोर नै सञ्चालनमा ल्याउने तयारी भए पनि मल्टिप्लेक्सको निर्माण सकिन बढी समय लागेको थियो ।
