दमौलीः व्यास नगरपालिकाका शाखा अधिकृत मेघनाथ आचार्य उत्कृष्ट कर्मचारीका रुपमा पुरस्कृत भएका छन् ।
३४ औं नगर सभाबाट उत्कृष्ट कर्मचारीका रुपमा आचार्य पुरस्कृत भएको नगरपालिकाले जनाएको छ । नगर प्रमुख बैकुण्ठ न्यौपानेले सभामा उनलाई सम्मान पत्र, पुरस्कार र दोसल्लाका साथ पुरस्कृत गरेका थिए ।
आचार्य सामान्य प्रशासन शाखामा कार्यरत छन् । लामो समयदेखि नगरपालिकामा कार्यरत आचार्यले यस अघि लेखा अधिकृतका रुपमा सेवा गरेका थिए ।
कार्यक्रममा विभिन्न विभाग र विधाका १७ कर्मचारीले उत्कृष्ट कर्मचारीको पुरस्कार प्राप्त गरेको नगरपालिकाले जनाएको छ ।
