दमौली: पूर्व गृहमन्त्री एवं कांग्रेस पूर्व सह महामन्त्री गोविन्दराज जोशीको भारतमा उपचार शुरु भएको छ ।
दुई वर्ष अघि फोक्सोमा संक्रमण देखा परे पछि भारतको मेदान्त अस्पतालमा उपचार गराएर फर्केका जोशी फलोअप उपचारका लागि गएका हुन् ।
फलोअप उपचारका लागि पहिल्यै जानुपर्ने भए पनि कोभिड संक्रमण र लकडाउनका कारण रोकिएका उनी सोमबार दिल्ली गएका थिए । मंगलबारबाट दुई दिन उनको परीक्षण र नियमित उपचार हुने जोशीका छोरा दीपकराज जोशीले जानकारी दिए ।
संक्रमणका कारण अचेत अवस्थामै दिल्ली लगिएका उनी त्यसयता निको भएर राजनैतिक गतिविधिमा संलग्न थिए ।
