दमौलीः कोभिड १९ विरुद्धको खोपले तनहुँमा कुनै पनि असाधारण चिह्न नदेखाएको स्वास्थ्य अधिकारीहरुले बताएका छन् ।
तनहुँमा यस्तो खोप लगाएका एक सय चार जना स्वास्थ्यकर्मीमा कुनै पनि साइड इफेक्ट नदेखिएको पाइएको स्वास्थ्य तनहुँका प्रमुख शंकरबाबु अधिकारीले जानकारी दिए ।
देशैभर अग्रपंक्तिमा खटिएका स्वास्थ्यकर्मी तथा स्वास्थ्य क्षेत्रमा खटिएका कर्मचारीलाई लक्षित गरी थालिएको खोप अभियानअन्र्तगत पहिलो दिन बुधबार व्यास नगरपालिकासहित म्याग्दे र ऋषिङ गाउँपालिकाका स्वास्थ्यकर्मी, महिला स्वास्थ्यस्वयंसेविका तथा एम्बुलेन्स र शब बाहनसँगै अस्पताल सफाइमा खटिएका कर्मचारीसमेतलाई यस्तो खोप लगाइने गरिएको छ ।
माघ १९ गतेसम्म गरी सबै तहका १७ सयलाई यस्तो खोप लगाउने योजना बनाइएको छ । सरकारीसहित निजी संस्थाका स्वास्थ्यकर्मीले पनि यस्तो खोप लगाउँदैछन् ।
