भानुःटिम नेपो तनहुँ संस्थाले भानु ६ स्थित मान्द्रेकालिका प्राविमा अध्ययनरत ४० विद्यार्थीलाई लत्ताकपडा र शैक्षिक सामग्री सहयोग गरेको छ ।
विद्यालयमा आयोजित एक कार्यक्रममा संस्थाले कापी कलम, जुत्ता मोजा लगायतका सामग्री विद्यार्थीहरुलाई प्रदान गरेको हो । संस्थाका अध्यक्ष गोविन्द तिमल्सिनाको नेतृत्वमा गएका पदाधिकारीहरुको टोलीले सहयोग वितरण गरेको संस्थाले जनाएको छ ।
कार्यक्रममा अध्यक्ष तिमिल्सना तथा विष्णु विश्वकर्माले संस्थाले विभिन्न सामाजिक क्रियाकलाप गर्दै आइरहेको जानकारी दिए ।
विद्यालय व्यवस्थापन समितिका अध्यक्ष हरिबहादुर खत्री र प्रधानाध्यापक कल्पना अधिकारीको रोहबरमा सहयोग वितरण गरिएको संस्थाका राज पन्थले जानकारी दिए ।
